Betuchuk
Lemai tu tadi aku nganjung Wesley betuchuk vaccination new influenza A ngambi ke enda jampat di rampit. Semua anembiak ditu bisi nerima surat betuchuk. Endur ke betuchuk nya bak sport hall enda jauh ari rumah, kira ke 15 minit bejalai kaki.Bejalai kaki kami duai menyanak, seraya ke sesais (excercise). Laban Wesley bejalai kaki ga, bisi setengah jam pejalai kami duai. Ukainya laju singkang anak mit umur 2 taun. Datai din, dinga ku nyau beterauh bala anak mit nyabak. Irau ga ati, enggai ke Wesley pedis laban jarum. Maia orang ti nuchuk, aku sigi enggai malik ngagai jarum. Laban ti buyan ke jarum. Sangka ku penapat inat Wesley nyabak. Sekali enda bemunyi tudah tuai. Meliar ai mata enda meh. Pama endar ga orang bujang ku nya neh. Suba maia ia nipas pun bunga ros, nyabak ia laban jari di kerawis duri bunga. Tu, di tuchuk tak enda. Engka nadai asai bak ia kini. Asai ke ketup semut aja. Stroller di bai ngapa, enda di tepan. Mansang pulai bujang tetap bejalai kaki.
Amat boleh tahan orang bujang nuan nya!! Enggi aku, iya ka indu, bedau datai ba klinik dah nyabak .. sepemanjai jalai! Rugi ngapa masau ai mata ... heheh, saduai diberi "mist" ba idung, nadai betuchuk. Baru iya sekali tu aku nadai ngasai jarum tama ba isi lengan. Engka lemak iya tebal agi taun tu! Huhuhuhu!
Doris, aku pan enda meh nyangka. Sigi tahan lasak.