Malam kemari skul ke endur aku bskula ke jako dutch bisi jamuan ringkas kena ngrai ke bala student ti pass peresa. Kira  bala ke nyadi permanent resident ditu. Orang ke pass nya tadi tau ngaga passport dutch serta bulih IC orang ditu. Lalu hak sama baka orang dutch . Udah lima taun ila enti bisi pilihanraya udah tau enggau orang ngundi. Kami ke pass nya tadi bisi di beri orang diploma ke di kumbai orang ditu "inburgering diploma'.Ukai diploma baka bak U ia wai, anang salah sangka. Diploma ko orang, diploma ga ko aku. Bala sekeda ke udah nerima bisi meh mai. Enggi aku bedau di ambi. Bisi meh surat udah datai ngasoh ngambi 20 Nov tu ila bak Amsterdam. Jamuan nya nadai maioh bemacham utai dempa, bala sida cheese & sausage, augurk (cucumber pickle), roti keropok serta kek. Jamuan nya enda lama, maia bala ke mupuk pulai lalu di beri bunga Hyacinthus siti siko. Gift ari skula.


Kira pukul 9 bala nyau mupuk magang mulai ke diri. Aku lalu talipon ngagai laki aku ngasuh ia ngambi aku pulai. Datai ia bak tempat aku ti nganti, diak ia madah ke kerita jai. Temu padam ko ia. Nasib padam diak, enti tak padam bak tengah jalai, benung musin roundabout. Bakani nya dah? Nyau betelipon dulu ngagai orang ti ngadu ke kerita ANWB. Laban ke bisi contract enggau sida ia, nadai ga tentu beleman endar ga. Sejam lebih kami tiga menyanak nganti dalam kerita. Tudah anak kasak kasak ka pansut, enggai nyadi ga laban hari ujan tambah chelap mega. Bekurung dalam kerita aja. Nya meh penudah nadai bala endur ninggal ke anak di rumah. Kini kini dibai aja aja meh.
Datai orang ke ngadu ke kerita, lalu meresa 'penyakit' kerita nya. Paduhal jai dynamo. Nya alai bateri temu out ti diri. Cas ga bateri dulu. Nyau pukul 11 lebih kami menyanak datai dirumah. Kasih tudah anak, kulap kulap mata ka tinduk. Tang laban patung rabbit ia ke enda ingat dibai, nya ke ngasuh tusah mimit ka tinduk. Nasib ga enda mipit, nginsap tinjuk jari aja. Nadai ngawa laban jari enda nemu tinggal.

Lyana  – (November 8, 2009 at 8:31 AM)  

Congrats! :-))

Amat ka nuan. Anak aku agi mit kelia endang dibai kini2 belama, sebedau ke nemu driving kediri. Agi ngarap ke laki mai mindah kin kitu, merinsa endar. Udah ke bisi lisin kediri empu, laki beribun, especially maya shopping ba supermarkets, enggai endar aku kiruh berintun ke anak mit. Abis enda ingat utai beli, rindang kiruh berara ke anak.

Diatu nyu udah dara bala aku, sapa ka enggau mupuk enggau indai, enti enggai tinggal enggau apai !! hehehe Tambah laki aku nya nyamai endar, pantang shopping ke supermarket, enda tan/sabar...pantang ba iya ke pengelantang aku !! lol

Charlene  – (November 8, 2009 at 5:26 PM)  

Apu. Pama nuan lyster. Udah pass blajar jako dutch nuan neh? Manah endar nya. Well done! Anang baka aku, blajar jako french enggau jipun tang nadai di asing. Meh back to the square one asai ku tu..eee..

Puteri  – (November 8, 2009 at 6:03 PM)  

Diploma beguring nama diploma nya, pia? Heheh. Bisi endar dianjung bejako dutch diatu neh! Congratulations!

lysther  – (November 10, 2009 at 9:56 AM)  

ladies, thanks...nyamai ga agi enti nemu jako orang. Tau mindah kediri. Agi suba, engketut aja bak tisi enti maia bisi pengawa. Enda nemu berandau enggau orang.

Lyana, aku tu takut belajar driba. Ngasoh meh orang belajar. Udah ga latah. Laki aku bakanya meh. Lembau endar di bai shopping. Maia ujung minggu kediri aku bejalai, anak tinggal, munyi ko nuan lelak berintun ke anak.

Post a Comment

  © Blogger template Shush by Ourblogtemplates.com 2009

Back to TOP