Berami makai

Lemai tadi di kangau ke menyadi lelaki aku ke di kuala baram berami makai bak rumah sida ia.
Ia tu bisi travelling ngagai ulu baram, nyadi kemari bisi pulai enda lama ke rumah lalu bisi meli anak babi babas siko. Murah ko ia, ko 50 RM siko. Apu...amat murah nya  ko aku.
Apa agi ninga orang bisi mai babi babas, lalu kin meh kami sida menyadi indu aku ngusung sida ia kin. Lalu mai lauk upa lalis goren campur daun ubi...Akai dai, kenyang amat aku makai.


Kasam babi campur daun ubi.
Upa lalis campur daun ubi.

Sigi lauk semua di campur daun ubi magang2. Maia makai sida ngerara asi aku mimit aja, nya ku madah; asi maioh kami di holland din, utai ke nadai di empa dulu.
Udah ke makai lalu beperening ke pasu ke digaga bini menyadi aku nya, bansa kayan. Manah endar di peda aku, engka laban ke enda nemu nganyam kini, nya alai utai ke di gaga orang manah magang di peda. Kelia kala belajar nganyam tikai bemban bak indai, tang gamal tikai ke di anyam aku baka gamal aku empu ke nganyam ia. Tisi tikai belingkuk baka ular. Diatu agi meh tikai nya di simpan indai ku. Ke pengingat. Nyau ituk ngagai pasu nya tadi,agi sekali aku merening pasu nya, nadai aku nemu pasu nya di gaga ari "surat khabar". Baka ke digaga ari rotan. Udah di anyam, lalu di cat sida ia. Bisi ga orang ngasuh ia nganyam pasu ke besai baka tajau, baik endar bisi side income. Baik endar bisi idea nganyam ari surat khabar. Nya meh ko ia, kitai ga nadai rotan, surat khabar nya meh kena.

Pasu ari surat khabar...manah endar enda pia..?

Puteri  – (March 10, 2010 at 12:46 PM)  

Utai anyam ari surat khabar? Kati ku sida enggau surat khabar nya?! Heheh, ka nemu!

Tenguk amat aku meda lauk dempa nuan, lysther!

Lyana  – (March 10, 2010 at 12:48 PM)  

Lantang ati udah selamat datai di menua ney! hehehe Meliur meda gambar lauk nya....slurrpppp

auk, naka pemanah bakul anyam ari suratkabar di anyam ipar nuan nya! enti semak ka aku meli nya.

Charlene  – (March 10, 2010 at 9:12 PM)  

Udah datai seduai menyanak pia? Pei nyamai mai lauk kitak wai! Meh beliur aku meda. *kenek.
Benun pulai Kch taun nyin, bisi meh aku bepeda ka sida bala SIDS Kuching begerumpu begaga ka sida pasu enggau bakul ari surat kabar.

lysther  – (March 11, 2010 at 6:14 AM)  

Ladies, aku enda meh nemu kati ke sida enggau surat khabar nya. Rindu amai ku meda ia.

Nye enda meliur meda....pansuh nyamai agi. Enda lama turn seduai nuan puteri enggau lyana ga pulai ke menua ila. Charlene udah ga,

BorneoAngler  – (September 23, 2012 at 9:17 AM)  

nyamai ndar lauk nya :)
Feel free to visit and follow our humble fishing blog at; http://www.kakinginti.rumahpanjai.com Cheer!

Lister Lee  – (March 5, 2016 at 9:08 PM)  
This comment has been removed by the author.
Lister Lee  – (March 5, 2016 at 9:09 PM)  
This comment has been removed by the author.

Post a Comment

  © Blogger template Shush by Ourblogtemplates.com 2009

Back to TOP