Peresa
Pagi ari lima tumu mimit kami tiga menyanak dani, laban pukul 10 pagi bisi orang ka meda ke Jeep ke ka dijual. Ari ke regah regah bak depan rumah, dikena enda ga. Manah agi dijual. Aku enda iboh, sigi enda
nemu driba. Laban balat endar kesal bak ati, nya alai sigi enda ka ngambi lisin driba. Ia ga bisi ka latah mimit,
enda alah krita nyau bak sebelah parit di bai aku. Tambah mega tengahari lagi kami tiga ka ke Alkmaar. Laban aku ke bisi exam ianya praktikal exam bejako dalam bahasa dutch. Harinya udah exam, tang dua
subject aja pas. Siti fail, nya alai nyambung baru peresa ke enda pass nya. Semua orang ke datai ari
menua luar serta ka diau ditu mesti skula baru ke jako dutch serta ngambi peresa, enti enda, enda ulih diau ditu. Skula tuai tuai tu enda tentu ka dibai belajar agi sepi aku. Enggai tentu masuk bak untak utai kedipelajar. Engka nyau udah betegar kini.
Pemulai ari Alkmaar alu singgah enda lama bak kedai Surinames meli buah rian frozen. Meda drama melayu dalam tv pansut gambar rian, telefon ngagai menyadi ku dimiri becherita pasal buah rian ngemaiohnya ga di miri. Pemuas ke ninga nyau tetenguk neh tudah diri.
Tau di kenyadi ga taja pan frozen. Nya meh enti nyawa udah rangka.
oh pia?! nama peresa nya? ngambi ke tau jadi 'permanent resident'(PR) tauka nuan ka jadi warganegara menua Holland?? di france ditu, nadai peresa baka nya ko. aku semina PR ditu, nadai undang2 baka nya y. terubah aku datai di France ditu kelia, setaun aku belajar jaku French tang nadai beperesa. semina belajar suka rela aja. tang enti ka jadi warganegara peranchis baru bisi peresa pasal undang2 menua tu lalu mesti pass jaku peranchis kira 50%........
akai daii untung endar nuan bulih frozen durian!! pama meh. :-)
Sapa enda fail exam jaku Dutch! Utai nyelai nya munyi, dilah pan enggai nyadi nyebut ... ni untak ka nerima agi! Hehe, enti nya aku lah .. kita ka agi biak, nadai gaga enda pass!
lyana, semua orang ke belaki bebini, serta sekeda ke gawa ditu mesti ka skula serta ngambi peresa. Enti pass tau nyadi warganegara org ditu (enti nyema ka nukar kewarnegaraan) serta diberi permanet identity card.Enti enda pass, belajar agi sampai pass. Dalam masa 5 taun enti enda pass di anjung pulai ke menua asal.Beli endar neh..
Hehehe.. durian frozen sigi enda punkang kami ditu, bisi aja aja.
Puteri, aku mula belajar suba, nyau ka ngeluak ke daak nyebut jako Dutch. Udah ga grammer tusah. Diatu aku agi tunggang terbalik jako dutch.
Heheh, enti nya aku tak ngeruntak asai enggai dibai belajar jaku ngemedis nya! Ni nya bisi jaku Iban munyi baka ka mansut ka dak nyebut?! Heheh, pajak ka dia meh! Manah mayuh orang Dutch nemu jaku English! Enda ga baka orang ari menua sida Lyana ... ngumba, enda nemu dibai jaku English!!