Booking ticket
Tajapan agi jauh ari maia ke pulai ke menua, tang enda sabar agi nganti maia ke pulai. Lelenggau amai ke bala kaban belayan di menua din. Ticket udah ga dibooking, nye mupuk meh kami duai menyanak kena 7hb march. Sampai 26hb jun baru kami duai pulai ke holland baru. Nya baru berentak cuti ngelama nya tiga bulan setengah. Apai Wesley engka maia gawai baru bisi kemiri. Ia sigi rindu enggau orang berami begempuru maia gawai. Rindu amai meda gaya kitai iban begulai enggau pangan diri maia bisi pengerami ko ia.
Jauh ga pejalai kami duai menyanak. Amsterdam - Cairo- Kuala Lumpur - miri. Tang enda ngawa ga lelak mimit. Maia udah betemu enggau bala kaban, nyau udah pengelelak nya ila. Semina siti utai ti ngasuh aku irau ati, tan ke enda tudah anak laban pengangat hari kitai di miri din. Sema ke jako 'pansut ari peti ais. tama ngagai oven'. Ko diau bak hotel lembau ga...enda alah ga begusung ke bala ngena taksi setiap hari. Cuma tinduk pulai ke hotel. Masau duit ngapa ko ati aku.
.jpg)
puuu Lysther! Nya baru untung pulai kemisi lama baka nya. Gelik ati aku ke nuan madah ke kitai ari tu 'pansut ari peti ais , lalu masuk oven!' betul endar..hehehe
Kami 3 menyanak mupuk 25th Jun. Seminggu sebedau nembiak sekula kemisi summer ditu. Aku pan mupuk dulu meh enggau anak, laki endang semampai nitih dudi. Cuti kami sampai 10th August.
Bepansa meh kitai ney. Kita gak pulai kena 26th Jun.
Akai, nya baru berentak pulai ka menua. Untung amai nuan Lysther. Nasib laki nuan ulih ngambik cuti panjai bekenya. Mun aku, eh! paling lama 3 minggu nya aja meh. Sigi berentak nuan ngempa utai dempa bak menua ila neh? hehehe. Puas2 nuan ngempa utai dempa bak din, anang baka aku. Agi belalak, ko laut.
enda sabar neh nn ka pulai ke menoa.sedia aja mh nn dlm bilun..panjai pejalai sduai anak kedr.standby toys or books kena dlm bilun.aku tuk pan nda sabar ka pulai.nda pulai gawai,nya mh pulai tumu agk.pulai bulan 3 ila.dah berangan aku tuk datai rmh panjai.
Lyana, kala ke bisi peluang nguji pulai lama mimit. Ila enti anak udah ke skula amai2, nadai ulih kemisi ngelamanya. Au bepansa endar meh kitai neh.
Charlene, Nya meh munyi ko aku tadi, kala ke agi bisi peluang. Utai dempa...ah..sigi diatu aku udah angan2 ke utai empa dimenua.
Laki ku nadai ulih cuti panjai, nya alai nitih maia gawai ila. Paling lama pan sebulan aja cuti tudah ia.
Cornelia, amat munyi ko nuan, sigi anang punkang toys. Nuan pulai bulan 3 ga...enti bisi peluang betemu tua au.
Anang enda bejalai ngagai aku, Lysther! Bisi aku di Miri, pun bulan enam ila! Enti nadai transport, madah, lagi aku ngambi.
Au, bisi nuan dimiri maianya neh?. Enti bisi hari nama kebuah enda nemuai ngagai nuan. Ukai kitai ulih betemu selalu enti enda sama maia pulai ke miri.