Main 'SLEE'


Saritu tadi semadi ke nadai pengawa, meda hari tak manah mata panas pan nyau perencing. Bejalai neh kami tiga menyanak ke kaki bukit ti enda jauh ari tebing tasik.
Enda pia nadai meh pengawa diau di rumah, runguk runguk nat ke penyelap. Kira ke tangahari meh kami ke bejalai nya. Datai din sigi udah maioh bala orang di peda aku. Taja pan hari agi snow serta chelap tang maioh ga bala bebai ke anak bejalai diak. Aku sigi nadai nemu tempat nya diak tau endur bemain luncur, laban ti nadai kala ngemalat tu kami ditu snowing sekumbang aku ke udah datai ditu, nya alai ngelamatu nadai ga kala kia bemain ais. Nadai tentu lama kami tiga bemain diak, aku nyau enda tan agi. Tunjuk kaki nyau enggai nyadi di kebut ke. Asai ke di tuchuk jarum pemedis kelalau chelap.



Ko kami ditu 'slee' nyebut kerusi luncur nya. Bak kitai iban enda ku nemu nyebut ia. Slee nya meh ke kena aku nganjung tudah bujang ku nya ke sekula pagi hari serta ngambi ia pulai ari skula. Ngena stroller, ka pedis mimit ka di asur ke bak salji, nyau bebendar ngasur ka. Enti ngena slee nyamai amai, temu di irit aja.





Gambar siti ke dibaruh tu di ambi bak depan tasik. Tang tasik nya semua udah beku.



Arap ke hari majak manah meh, nadai turun salji agi, susah amai, ka mindah pan nyau kadang terjanggal. Maioh pengawa enggai nyadi. 

Puteri  – (January 15, 2010 at 5:47 PM)  

Enda kala aku meda sleigh bakanya ditu! Baka gamal kerusi luncur digaga diri empu! :-)

Sama meh tuo enda tan chelap kaki. Aku enda ibuh ngindik snow ... asal tanah, simen, jalai nya chelap, enda lama kaki aku asai ka dituchuk jarum .. amat munyi ku nuan nya meh asai iya.

Rindu ga meda rampa menua kita dia!

lysther  – (January 17, 2010 at 3:07 AM)  

Aku, jeno diak ia penyelap, tan ga aku. Tang enti nyau minus zero, amat enda nakal ga. Nyau begetar asai jantung din...brrrrrrrr

Post a Comment

  © Blogger template Shush by Ourblogtemplates.com 2009

Back to TOP